Sê leheng ên azadîyê
Bi îxanet kirin hedef
Sê ewledên Kurdistanê
Li Parîjê kirin telef.
Celladên mirovahîyê
Dest bernadin
Ji hovîtîyê.
Ev hovîtî bi qurnava
Hemberî me tê meşandin.
Komkujîya Dêrsîmê
Kuştina Qasimlo
Bi hezaran qetlam
Hê zindîne li dîrokê.
Têr nabin ji xwîna kurda
Bi komkujîya
Hewl didin
Me bikin unda
Qatîlên mirovahîyê.
Komkujîya li Parîjê
Hejand gelê KURDISTANÊ
Heya kengê
emê bên kuştinê?
Bitemre ronîya tavê
Raweste jîne
Bimiçqin çem û kanî
Çira lazim dunya xaîn?
Çira lazim dunya weha?
Çira lazim dunya hova?
Her roj mirov ên bê gune
Tên kuştinê
Êrîş dikin ser mirova
Bi buxtana
Bê gune dikin girtîgeha
Serok jî bê sûc hat girtinê
Dunya bûye dunya vira
Dunya hova
Dunya dijî bi derewa
Lê jîne nabe weha.
*** *** *** *** *** *** ***
Xemsarîya mirovahîyê
Tanga meda berdewame
Li dijî gelê Kurdistanê
Sûî qest tên kirinê
Lê dijî vê
raperîna mirovahîyê
Nayê xanê.
Bi îxanet lawên kurd
Tên kuştinê
Lê dunya kore
dunya kere
Tanga meda bê zimane
Hertim lale
Dunya durî
Dunya derew
Dijî kurda pir xedare
Heya dawîyê bi îsrare
Dijî kurda ev çi heste?
Heya kengê weha kuştin
Her yek me îro Sekîneye
Leyla, Fîdan
pakrewane
Her yek me cîhanêda
jîyanêda
Tim hedefe
Lewra raperîna me
Diderzîne dunya hovan.
Rabin kurdno
Bi milyonan
Ji Parîjê heya welêt
Bi cenazên van lehengan
Hun bimeşin
Bi xasteka van şeîdan
Kurdistanê azad bikin
Ruhê şeîdan bila şabin.
*** *** *** *** *** *** ***
Hovîtîyê rapêçaye
Eva dunya.
Ber xemsarîya mirovan
Vedimire hero wîcdan
Dunya meda ser dikevin
Hov û kujerên mirovan.
Ey tîrêja tavê
Tu hemûyara didî silavê
Bitemre
Bila ev dunya belave
Dunya hovan bibe tarîstan
Ji bo ku mirov hevra nekin
Sûî qestan
Tunebin goristan ê şeîdan
Çira lazim kuştin
înkar
îxanet
komkujî û şer
Em naxwazin dunya weha.
Nêta meye wekhevî…..
Ey xweda
Ji te dikim rîca
Ji nûva avake dunyak azad
Ku têda tunebin xaîn
xezeb
Bese zulm û zor
Sûî qest û xwîna sor
Bila mirov bijîn wekhev
TUNEBIN SÎNOR
Bila tunebin zeîf û zor
Kujer û hov
Bila dunyak azadda bijîn wekhev mirov …
15.01.2013.
AXI ÇIMA?
Çima bi deman
Dîrok bûye kujerê
Kurd Kurdistanê
Çima mera hertim tê nivîsarê
Fermana komkujînê
Ji bo ku em kurdin
Tên girtin û kuştinê
Axi çima ?
Heya kengê weha?
Ev çi helwest û çi heste
Dijî kurda bi demane
Dunya hova radiweste
Naha jî Parîj
Bû qada merasîmê
şînê
Ji bo gelê Kurdistanê.
Sûî qest
Komkujî hat wekilandin
Ji me qetandin sê leheng
Ên niştimanê
Bi vî rengî hewil didin
Bitemrînin jînê
li Kurdistanê
Bê pêşeroj bêhlin me li cîhanê.
Em pir êşîyan
Lê ser pîya rawestîyaye
Hemberî vê komkujîyê
Keç û lawên Kurdistanê
Bi lêdanê
Bi girtinê
Bi sûî qesta
Bi komkujîya
Natemre gelê kurda
Mêze bikin
Li qadada
Soqaqada
Li meşada
Cîhanêda
Zindî dibe
Mezin dibe
Zêde dibe
Bi armance
Bi daxwazên qenc
berbi azayê dimeşe
Gelê Kurdistanê.
Biryara me
Aşitî
Biratî
Wekhevî û dunyak azad.
Lê hemberî me radiwestin
Me dikin înkar
Didin fermana girtinê
kuştinê
tunekirinê
Bi deman
Kujer û hov
Lê
Ji wan ra jî divêjin mirov .
Dîrok hertim bûye
Qatîlê kurd KURDISTANÊ
Bi qurna ji mera
Tê xwendinê
Fermana komkujîyê
Ji bo ku em kurdin
Têne kuştinê….
AXI ÇIMA……
AXI ÇIMA…….?
Lê ne em jî jîyanê
A paqij hesdikin
Em jî mirovin
Xwedan hest û evînin………
Ne hov ne jî kujerin
Mirov hes û aşitîxwezin.
16.01.2013.
BÊWAR BARÎ TEYFÛRÎ
bewar@inbox.ru